April 11, 2013

Camiguin Island Adventure (day 1)



Oright! umaga.. malamig lamig pa at gising na ang lahat kahit late na kasi madaling araw ang usapan sa pagpunta sa Camiguin. Ganun paman nagmadali kami sa pagpeprepare para makalabas na at maabutan ang roro.
sakay ng fortuner ay tumulak na kami papunta ng isla. Medyo matagal tagal din ang byahe pero dko na maalala kung gano katagal. Kahit medyo antok pa ay mas ginusto kong manatiling dilat ang mata kahit mas gusto co sanang matulog dahil first time co nga doon at gusto kong maging pamilyar sa daan at sa mismong lugar.

Sa daan palang ay kita na agad ang laki ng pinagkaiba sa Manila. City yun pero hindi siksikan.. hindi din masyadong nagmamadali ang mga tao kumpara sa cubao, espanya, makati at ortigas. Swabe lang ang galaw ng mga tao. May nadaanan din kaming mga nagbebenta ng mga prutas gaya ng lansones langka saging at kung ano ano pa. Noon ay gusto co ng huminto at bumili ng mga ilang kilo para matikman ang mga yun pero may hinahabol kaming oras kaya nagpigil nalang ako.

Narating namin ang port of Binoni at bumili ng ticket tapos naghintay ng nga ilang minuto para sa pagalis ng roro. Isinakay din namin ang sasakyan namin syempre. Sa dagat ay eksayted kaming lahat. Pumwesto kami sa bandang likod para mas makita namin kung saan kami nanggaling. Sa halip na umupo mas pinili naming tumayo. Onga pala, kung sakaling magawi kayo doon ay wag na kayong magtaka kung may mga batang umaakyat ng barko at nagpapahagis ng barya sa dagat kasi normal lang daw yun dun. Halos isang oras din yun sa pagkakaalala co.

Bago pa namin simulan ang paglibot sa isla ay nagpabook muna kami sa hotel para may matulugan pagdating ng gabi. Sa Bahay Bakasyunan kami nagbook. Medyo mahal pero sulit na sulit kasi sa hotel palang solb na ang bakasyon. After naming magbook tumulak kami sa unang stop namin para kumain at maligo narin.

1st Stop: Hot Spring

Hindi na co masyadong naeksayt kasi nakapunta naman na co ng makailang beses sa nga hot spring sa laguna. Ngunit subalit datapwat.. ibang iba pala ang hot spring dun. malalim maluwang at yung tubig ibang iba. bukod sa sobrang linaw ay ramdam mo na sobrang nakakarelaks. nga talaga. kumain kami nagswiming nagpicture taking saka nagbihis at nagtungo sa next stop. Isang patunay na maganda doon ay maraming turista ang nakasabay namin doon.



2nd Stop: Katibawasan Falls

Kung water falls lang din naman ang paguusapan ay nakadami na ako ng napuntahan. Mula sa pinakamalapit samin na sa Dumabato sa pinkamaganda na nasa Kasibu, sa nadadaan papuntang Baguio at medyo marami pa. Ngunit subalit datapwat ulet. walang wala pala ang mga falls na napuntahan co kumpara sa falls nila dto.

Kung kanina ay masawap maligo dahil mainit init ang tubig kabaliktaran naman dto. sobrang lamig ng tubig pero ayos lang. Naligo padin ako kasama ang ibang mga kasama namin. nagpapicture sa mga magagandang spot at gusto co sanang pumunta sa ilalim ng falls pero natak0t ako bigla sa lakas ng current ng tubig. after magbihis, tumulak na kami papuntang next stop.

3rd Stop: Sunken Cemetery

Hindi na kami kumuha ng guide kasi galing na dun yung mga ibang kasama namin pero makailang beses kaming naligaw pero ayos lang kasama yun sa adventure at isa pa wala ng space sa sasakyan. saktong sakto lang kasi kami.

Ganun paman narating padin namin ang destinasyon namin bunga ng pagtatanong. Ang daan doon ay parang yung daan sa patapat kung pamilyar kayo kaya astigin din. Narating namin ang Sunken Cemetery. Walang masyadong magawa doon bukod sa pagpipicture taking kasi kung swimming lang din naman ay kanina pa co nagbababad sa tubig. Hindi kami nagtagal doon at medyo pagod narin ang lahat kaya nagpunta kami sa hotel para magpahinga kasi may second day pa ang adventure kaya kelangan magpahinga.





No comments:

Post a Comment